A hithau’n ddietegydd clinigol, mae gan Victoria Jones fwy nag ugain mlynedd o brofiad yn ein GIG ac mae’n Ddietegydd Perfformiad Chwaraeon ac Ymarfer Corff achrededig.

Mae’r llythrennau ar ôl ei henw, sef BSc (Anrh) a PGCERT, yn golygu rhagoriaeth academaidd ar lefel gradd ac ôl-raddedig.

Ond mae gan Victoria fwy na’r cymwysterau academaidd; mae ganddi’r sgiliau a’r wybodaeth ymarferol sy’n ei gwneud yn arbenigwraig uchel ei pharch a edmygir yn ei maes.

Mae’r diwydiant iechyd a ffitrwydd wedi tyfu’n sylweddol yn ystod y blynyddoedd diwethaf.

Un o anfanteision hyn yw bod rhai pobl yn y diwydiant yn honni eu bod yn ‘arbenigwyr maeth’.

I rai, mae maeth wedi dod yn ddryslyd ac yn gamarweiniol.

Ar un llaw, gall cyngor arbenigol ac wedi’i deilwra ar faeth gyflawni canlyniadau gwych.

Ar y llaw arall, gall cyngor gwael arwain at ddiffygion maethol, salwch ac anaf.

Nod Victoria fel Deietegydd Chwaraeon yw rhoi hyfforddiant, cyngor a chymorth arbenigol, unigol ac wedi’u teilwra i chi sy’n ddiffwdan ac wedi’u seilio ar dystiolaeth.

P’un a ydych chi eisiau cynyddu’ch lefelau egni, gwella cyfansoddiad eich corff, hybu eich perfformiad neu gynllunio ar gyfer ras neu ddigwyddiad pwysig, gall Victoria eich helpu i gyflawni eich nodau.

Mae Victoria yn gyfathrebwr gwych sy’n gallu deall anghenion a dyheadau ei chleientiaid.

Yn fyr, o ran ymarfer corff a maeth, mae’n gwybod ei phethau.

Gallwch ddibynnu arni i’ch tywys ar y daith tuag at fersiwn well ohonoch eich hun!